戰戰兢兢終於都順利過關，當日一早到場練車，初時頻頻失手，經過阿sir 指導加上狂練一輪之後，個心都可以定下來。到正式考試，同場有5個考生一齊考，最後3個通過，2個同學因為落腳失手要排期重考。其實我都算好彩，中間曾經take唔上2波，變了空波，但臨轉彎轉波太危險，頂埋個彎先轉回1波，當時真係唔知可以做d乜，個心一直諗住，車呀.. 你頂住呀!頂埋個彎先好呀！好彩都無死火，否則我真係唔知死火點算!真係好命!!!轉返1波，上到格仔可以停車，停之前真係一片空白，唔敢諗! 左腳落好地，停定晒，個心定番一半，再吸一口氣，再開車轉埋個有信心d既左彎，再同自己講一定得，然後先去轉上2波，今次無事，轉到yeah! 之後比心機轉埋呢個彎，ok之後心再定多一半，再比大油，好野，紅燈一出，停得車，嗱唔好落腳呀！撐住，得左，個心諗最後一步做埋佢呀，唔好pk呀!!!臨尾香好樣丙架!然後先慢慢左右Fing埋頭，fing 好熄key，再停半秒先慢慢「遞」高右腳落車，同自己講左腳好似種樹根咁種實個地呀，ok雙腳落好晒地勒! 慢慢黎唔好心急，反正個test 係唔計時既，然後出力慢慢將車推出試場，好彩我醒目，停遲少少，架車停既位置高d，推個斜路推短d，ok，出左試場，阿sir 響度，即時叫我求其停響度得，佢驚我再推會跌，哈哈! 阿sir 真係好鬼醒!終於搞掂! yeah!!!!!

其實有考過電單車的朋友，應該知道其實強制試好易考，但對於我來說，其實真係有d難度架，高度限制下再加上一向平衡得唔好，我學車時跌0左幾多次我都已經唔記得，所以我好開心一take過考到第一關，之後個關要斜路打八字對於我黎講真係激難，我都唔知自己可以點打八字，仲要斜路打，真係諗都唔敢諗，不過唔緊要，我有「大無畏」精神，繼續努力!!!跌死罷就! yeah!